Gabrielle's profile星期三的野獸派部落格PhotosBlogListsMore  |  Tools Help |
|
March 07 我的地盤聼我的終于有機會完全自己話事佈置自己既房間啦 想起都開心！！雖然下年先裝修但係已經忍唔住研究梗個問題。
本來想將間房整成呢只STYLE：
 這幅圖也不完全是， 應該更浪漫D。
不過始終覺得其實住既地方應該最重要係舒服同溫馨，所以都係要重新考慮。
本來想寫長D 不過今晚好凍呢 都係去訓啦
February 28 我不認輸！我自問對別人夠真夠好，只是別人並不欣賞。從來都是你的好處別人很少記得，你的一個不是就讓人印象深刻。也罷，爲什麽要向一個不完美的世界要求完美？爲什麽要向一個冷漠的社會祈求關愛？多蠢啊，以爲自己很有個性其實只是條可憐蟲。世人崇拜個性，特別和不同但其實内心容不下稍有點自我的人，這類人通常只會被人排擠或嘲笑。過分自我是錯，太認真是傻，大衆的模式才是王道。可曉得呵，別再犯傻了，這世界就是長這樣的。氣過了怨過了就罷，生活還要過下去，遵守遊戲規則玩下去才有可能勝利。。。。。。。。。。。。。。。。。。 October 18 菜農小姐在巴黎的日子 2·博物館四日行·
巴黎除左周街都係遊客之外仲可以話係周街都係博物館，所以去到巴黎不得不去博物館轉一轉。於是到左巴黎既第二日我地就拿拿聲去買左張MUSEUM PASS，呢張PASS可以俾你係四日之内係巴黎六十幾間博物館内自出自入任你玩，售價為45歐元，都幾抵玩。於是我地就展開左四日節目豐富-多姿多彩-奔波勞碌-疲于奔命既博物館之旅。我地係四日之内馬不停蹄甘去參觀博物館，睇到想嘔都要繼續睇，好不容易渡過左呢四日。當然係四日内參觀晚六十幾間博物館係絕對無可能既，我地只不過去左最出名最有興趣既其中七八間，不過比逐間買飛入場已經省左20幾歐元。其中最正既係盧浮宮，真係好多野睇，足夠你行成日，而且只係走馬觀花甘睇，如果要細心睇曬全部舘藏的話行三四日先得。我最中意睇佢入面既古埃及收藏，真係搞得好好，連木乃伊都有，搞到我爾加對古埃及文明好有興趣。另一個我最愛就係巴黎聖母院啦~~~~真係好靚！而且保存得好好！所以之後幾日我又自己重游左兩次，西提島真係好可愛~~！！啊，不自覺扯開左話題TIM。巴黎聖母院除左外觀同入面都係甘宏偉之外，佢既兩個高塔都係非常值得推薦架，我地去左兩次先上到塔啊。上面既風景好好，而且仲有條怪獸走廊，走廊兩側是造型各不相同的怪獸的石雕坐在圍欄上俯瞰巴黎。儘管我地上去既時候又大風又下著小雨我地都係一樣甘興奮！！~相對于巴黎聖母院，就係附近既SAINT CHAPELLE就真係比較令人失望。可能是大學的時候聼教授形容得太美了，所以去到之后覺得並沒有想象中的美，主要是裏面太簡單了，唯一的看點就是它的彩色玻璃，而且面積很小。另一個令人非常失望既景點就是凡爾賽宮啦，好歹是多位國王都喜歡住的王宮竟然就只有那麽一點地方....倒是花園非常非常大的一個，而且搞得很漂亮，不過花20歐去看這麽一點東西實在不值，幸好我地有MUSEUM PASS。相對之下，當時的中國實在比他們有錢太多太多了。
October 13 菜農小姐在巴黎的日子·上機前一天·
唔知點解一D都唔覺得興奮，只有些微雀躍。
放工之後雞甘腳趕返屋企然後又雞甘腳拖住行李殺去碼頭。
最後係船上品嘗我既晚餐：蒜蓉雞+青瓜三文治，龜齡膏。
到左HK，就拿拿聲沖入地鐵到藍田與我既“房東”YELLOW相會，
拖住呢個頗有份量既GIP穿過N個購物中心，爬左N條樓梯之後
終于到左YELLOW既安樂窩，亦都係我當晚既棲身之所。。。
累死了。。。
·漫長的第一天·
早上五點幾就起身，我想我至少有十年以上無試過甘早起身咯。
不過由於YELLOW覺得搭巴士比較快捷且搭巴士會有塞車既危險
於是。。。就搞成甘。最後我地神甘早去到機場進行漫長的太空漫步。
好不容易等到上飛機以爲在機上的時間很容易消遣，有電影睇又可以
同隔離左右吹下水，十個鐘算乜？點知我又失算了。死法航的飛機上
居然無電影睇，只是不斷重播某一集阿森一族同某一集老友記同埋某
一集CSI，真係無語。。。最無奈的是我隔離個位竟然無人坐，再隔離
係個貌似連英文都唔識講既德國肥佬，就這樣我在飛機上過了異常漫長
既十小時。。。。
以爲下機那一刻會望到巴黎鐵塔，以爲可以馬上見到美麗又浪漫既巴黎，
以爲可以很快投進蘭姐姐的安樂小窩好好補眠。但係人算不如天算，注定
我那天要倒楣一整天，飛機降落時乜都睇唔到，機場離巴黎鉄塔很遠。還
未走出機場就遇上乞兒仲儸佐我一歐元，去到約會點仲盪失路係地鐵站跑
來跑去足足兩小時。這一天的感想只有一個字：頂！~~
想到這一天就鬱悶，待續。
|
星期三的野獸派部落格PUTAIN，MA VIE
|
|||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts|
|
